Jailbreak: 8 preso pumuga

MANILA, Philippines - Walong inmates kabilang ang isang miyembro ng mga bandidong Abu Sayyaf Group ang pumuga mula sa detention cell sa Isabela City, Basilan noong Martes ng umaga.

Sa police report na nakarating kay P/Supt. Albert Larubis, hepe ng Isabela City PNP, dakong alas – 8:45 ng umaga nang madiskubre ang pagpuga ng mga preso sa Basilan Provincial Jail sa Barangay Geras Sumandang sa nasabing lungsod.

Kabilang sa mga pre­song pumuga at kasalukuyang pinaghahanap ng mga awtoridad ay sina Said Usman, miyembro ng Abu Sayyaf; Akmad Arasani, Obet dela Cruz, Serham “Bagio” Akalun, Benhar Ibrahim, Oliver Tinguha, Mumar Jajuli, at si Arajan Dala.

Lumilitaw sa imbestigasyon na sinamantala ng mga bilanggo na makali­ngat ang ilang guwardiya saka isagawa sa pagtakas.

Nagawang umakyat sa kisame ng mga preso saka tumalon sa bakod at tulu­yang naglaho.

Nang magsagawa ng routine inspection sa mga preso ang mga jailguard ay napansing nawawala ang walo. Posibleng masibak sa puwesto ang ilang opis­yal at jailguard dahil sa kapabayaan.