Pastor utas sa salpukan ng motorbike

NORTH COTABATO, Philippines – Patay ang isang pastor habang sugatan ang tatlong iba pa makaraang magsalpukan ang dalawang motorsiklo sa Purok Bagong Silang, Barangay Dajay, Surallah, South Cotabato noong Miyerkules ng hapon. Kinilala ang namatay na si Pastor William Torquator ng Calvary Baptist Church sa Barangay Talahik, Surallah. Sugatan naman ang mag-asawang kasama ng pastor na sina Elpidio, 46; at Emma Arnaiz, 49, mga nakasakay sa  motorsiklo. Maging ang driver ng kasalpukang motorsiklo na si Apolinario Triñagan, 34, ng Purok Rizal, Barangay San Jose, bayan ng Norala, South Cotabato. Nabatid na nakahinto ang motorsiklo na sinasakyan ng pastor subalit nahagip pa rin nang kasalubong na motorsiklo ni Triñagan.