Bagong graduate na Cafgu, nilikida

LEGAZPI CITY, Albay, Philippines – Pinabulagta ang 31-anyos na bagong graduate sa pagsasanay ng  Citizens Armed Forces and Geographical Unit (Cafgu) matapos itong pagsasaksakin ng di-kilalang lalaki saka inabandona kamakalawa ng gabi sa Barangay Ticol, Sorsogon City, Sorsogon. Sa ulat ng pulis, ang bangkay ng biktimang si Rommel Japson na tinakpan ng dahon ng anahaw ay nadiskubre ng opisyal ng barangay. Huling nakitang buhay ang biktima na naglalakad sa nasabing lugar hanggang sa magtagpuan itong patay. Ang biktima ay isinailalim sa pagsasanay ng Phil. Army saka itinalaga sa nasabing barangay.