Tiyahin dinedo ng pamangkin

TUGUEGARAO CITY, Cagayan, Philippines – Bulagta ang 53-anyos na babae matapos itong barilin ng kanyang pamangking lalaki na sinasabing lango sa droga sa Barangay Manaboc, bayan ng Burgos, Ilocos Sur kamakalawa.? Kinilala ni P/Se­nior Insp. Arsenio Ramos, hepe ng Burgos PNP ang biktima na si Maria Christina Vitales habang pinaghahanap naman ng pulisya ang 32-anyos na suspek na si Jonathan Dato. Base sa police report, nagpapahinga sa duyan ang biktima nang lapitan ito at barilin ng kanyang pamangkin kung saan napuruhan sa kilikili ang tiyahin.? Ayon kay Ramos, isa sa drug personalities ang suspek at pinaghihinalaan nito ang kanyang tiyahin ang nagbibigay ng impormasyon sa pulisya kaugnay sa gawain nitong pagpapakalat ng bawal na droga.