P2-M ari-arian, nilimas

BULACAN, Philippines – Aabot sa P2 milyong halaga ng ari-arian ang naglaho matapos itong tangayin ng apat na armadong kawatan na nanloob sa bodega ng pagkain ng mga isda sa Barangay San Nicolas, bayan ng Hagonoy, Bulacan kahapon ng umaga. Kinilala ng pulisya ang mga biktima na sina Rosalinda Gaddi, 66, negosyante; at si Pablo Dela Cruz, 56,, katiwala ni Gaddi at kapwa nakatira sa Purok 4 sa nasabing barangay. Sa imbestigasyon ni PO3 Frederick Felipe, pinasok ng apat na armadong kalalakihan ang bodega na pag-aari ni Gaddi kung saan iginapos ang mag-amo saka tinangay ang mahahalagang dokumento, alahas at cal. 9mm pistol na nagkakahalaga ng P2 milyon. Maging ang Starex van na may plakang (RGX-550) ay ginawang gateaway vehicle ng mga kawatan para hindi mahalata ang pagtakas. Sinisilip ng pulisya ang anggulong inside job ang naganap na krimen.