Ama inutas sa harap ng anak

MANILA, Philippines - Nakaluhod na pinaslang sa harapan ng 10-anyos na anak na lalaki ang 50-anyos na dating security guard matapos itong pagbabarilin ng motorcycle-riding gunmen sa Barangay Lambug, bayan ng Badian, Cebu kamakalawa ng hapon. Naisugod pa sa Badian District Hospital subalit idineklarang patay si Romeo Auban Terante. Sa ulat na isinumite sa Camp Crame, naglalakad ang mag-ama nang harangin ng tandem at barilin ng backrider  na nadaplisan sa  kaliwang kamay sa ikalawang putok. Nagawa pang tumakbo ng biktima habang akay-akay ang anak pero hinabol sila ng gunman. Nang abutan ay pinaluhod pa ng gunmen ang biktima saka binaril sa kaliwang bahagi ng ulo sa harapan ng na-shock nitong anak na lalaki. Joy Cantos