3 tumba sa shootout
NORTH COTABATO, Philippines – Tatlo-katao kabilang ang isang wanted ang napatay makaraang manlaban sa arresting team na nagsilbi ng warrant of arrest kahapon ng umaga sa naganap na shootout sa Purok Mabuhay, Barangay Ambalgan, bayan ng Sto. Niño, South Cotabato.
Kinilala ng pulisya ang mga napatay na sina Omar Ambalgan, wanted na kriminal; Rhea Homarito, ka-live-in ni Omar; at si Noli Rosi ng Purok Mabuhay sa nasabing barangay.
Sa police report na isinumite kay P/Senior Supt. Jose Arnaldo Briones Jr., South Cotabato PNP director, isisilbi sana ng mga awtoridad ang warrant of arrest laban kay Omar na may kasong frustrated murder nang salubungin sila ng sunud-sunod na putok ng baril mula sa pinagkukutaan ng wanted.
Gayon pa man, gumanti ng mga putok ang mga awtoridad kung saan tinamaan ang tatlo. Naisugod naman sa pagamutan ang tatlo subalit ideneklarang patay
Narekober sa pinangyarihan ng shootout ang isang granada, homemade cal. 357 pistol, mga bala, slug at motorsiklo na walang plate number.
- Latest
