Matandang dalaga sinilaban ang sarili

MANILA, Philippines - Pinaniniwalaang nakaranas ng matinding kalungkutan bunga ng pag-iisa sa buhay ang nagtulak sa 60-anyos na matandang dalaga para magpatiwakal matapos nitong silaban ang sarili sa Barangay Ali Alsree, bayan ng Remedios Trinidad Lim, Zamboanga Sibugay kamakalawa ng hapon.

Sa police report na isinumite sa Camp Crame, natagpuan ang natustang bangkay ng biktimang si Maria Tubal  na halos hindi na makilala sa may basurahan sa nabanggit na barangay bandang alas-5:30 ng hapon.

Narekober din ng mga tauhan ng Scene of the Crime Operatives (SOCO) ang galon na pinaglagyan ng gaas na ginamit sa pagpa­patiwakal ng biktima.

Sa pahayag ng mga kamag-anak sa pulisya, dakong alas-7 ng umaga ay umalis na ang matanda sa kanilang bahay kung saan nabulaga sila ng madis­kubreng sinilaban nito ang sarili.

Nabatid din na may ilang araw na ring wala sa sarili ang matanda na sinasabing dumaranas ng matin­ding depresyon dahil sa kawalan ng kasama sa bahay o asawa saka mga anak.