Dalaga sinilaban ang sarili

MANILA, Philippines - Dahil sa sobrang depresyon, nag-suicide ang 26-anyos na dalagang senglot matapos nitong silaban ang sarili sa loob ng kanilang bahay sa Brgy. Kanim, bayan ng Sibutad, Zambonga  del Norte kamakalawa ng gabi. Kinilala ang  biktimang si Cheryl Lumanta na namatay habang ginagamot sa Zanorte Medical Center. Sa ulat ng pulisya, naglasing muna ang biktima saka binuhusan ng petroleum gas ang katawan saka sinindihan. Nagulantang na lamang ang mga kamag-anak nang makitang nagliliyab ang katawan ng biktima na agad nilang dinaluhan at isinugod sa ospital. Sa pahayag ni Dr. Feliciano Lim, namatay ang biktima sanhi ng cardio respiratory arrest na pangalawa sa tinamo nitong 3rd degree burn sa mukha , itaas at ibabang bahagi ng katawan. Huling namataang buhay ang biktima na may ilang araw na itong desperado, hindi makausap at palaging tulala hanggang sa magpasalubong ito kay kamatayan.