Karambola ng 3 sasakyan; 9 sugatan

MANILA, Philippines - Siyam katao kabilang ang pitong estudyante ang nasugatan makaraang aksidenteng magbanggaan ang tatlong behikulo sa bayan ng San Enrique, Negros Occidental, kamakalawa.

Base sa report ng Police Regional Office (PRBO) 6, bandang alas-7 ng umaga nang tangkaing mag-ovetake ng isang Mitsubishi Monter naman ni Romy Rubio sa Crossing Gemoy, Brgy. Tabao Rizal ng ba­yang ito.

Sa kamalasan ay nagbanggaan ang dalawang behikulo at nadamay pa ang pampasaherong tricycle na minamaneho naman ni Alfredo Balena na may sakay na mga estudyante ng Enrique National High School.

Dahil dito ay nasugatan ang mga high school students, tatlo sa mga ito ay nilalapatan ng lunas sa Valladolid District Hospital pero dahilan sa malubha ang tinamo ng mga itong sugat ay inilipat sa isang hospital sa lungsod ng Bacolod.

Samantalang sugatan din ang dalawang driver na sina Balena at Jualayba bagaman hindi naman ito gaanong malubha.

Nabatid pa na halos nayupi ang tricycle ni Balena habang bahagyang pinsala lamang ang tinamo ng dalawa pang behikulo.

Patuloy ang isinasagawang imbestigasyon ng mga awtoridad sa kasong ito. (Joy Cantos)