Lolo todas sa SUV
CAMARINE NORTE, Philippines — Nasawi ang isang 72-anyos na lolo makaraang mabundol ng isang SUV kasabay ng pagdiriwang ng Elderly week na naganap sa Brgy. La Opinion, Nabua, Camarines Sur kamakalawa ng umaga.
Batay sa ulat ng Camarines Sur Police Provincial Office, kinilala ang biktima na Julian Olivares residente ng Zone 6, Bagong Sikat, Paloyon Proper-Nabua na idineklarang dead-on-arrival sa Sta. Maria Josefa Hospital sa lungsod ng Iriga.
Nabatid na bandang alas-8:45 ng umaga habang ang biktima ay sakay ng kanyang bisikleta nang aksidenteng mabangga ng isang kulay itim na Nissan Cefiro (WRZ 539) na minamaneho ni Annalyn Perea, 36-anyos ng Barriada, Legaspi City ang biktima na dahilan upang ito ay tumilapon at sa lakas ng pagkakabangga ay nagtamo ng matinding pinsala sa katawan ang matanda.
Nadamay din ang kasalubong na sasakyan na isang kulay itim na Toyota Vios (WKQ 139) na minamaneho naman ni Joseph Abellano, 32-anyos ng Mandaluyong City makaraang tamaan ito ng tumilapon ang bisikleta. Francis Elevado
- Latest
