Mag-ina, pamangkin utas sa sunog

MANILA, Philippines - Kamatayan ang sumalubong sa mag-ina at pamangkin nito makaraang makulong ng apoy sa nasusunog nilang bahay sa Barangay Coronan, bayan ng Sta. Cruz, Davao del Sur noong Lunes ng tanghali. Kinilala ang mga biktima na sina Noriza Hilay, 8 buwang buntis; Paolo Hilay, 2; at ang pamangking si Hinata Hilay, 3. Sa ulat ng Davao del Sur Fire Marshal, naitala ang sunog bandang alas-12 ng tanghali kung saan natutulog ang mga biktima sa ikalawang palapag ng kanilang bahay. Sinabi ni Susana Montecerin sa mga imbestigador nabatid na tinangkang pasukin ng kapitbahay na si Susana Montecerin para saklolohan ang mga biktima pero masyado ng makapal ang usok at malaki ang apoy. Nabigong mailigtas ng mga kapitbahay ang mga biktimang nag-iiyakan at humihingi ng saklolo kung saan naabo rin ang katabing bahay.