NPA secretary timbog sa Neg Occ
MANILA, Philippines – Nasakote sa isang checkpoint ang isang miyembro ng New People's Army sa lalawigan ng Negros Occidental nitong Julyo 20, 2014.
Nakilala ang suspek na si Abraham Villanueva, 51, alyas Tikboy na residente ng Barangay Poblacion Valladolid, Negros Occidental.
Naharang si Villanueva sa checkpoint ng mga taga Ilog Municipal Police sa Barangay Dancalan sa bayan ng Ilog.
Napag-alamanang tumatayong sekretarya ng South West Front ng Komiteng Rehiyonal Negros ng Communist Party of the Philippines-NPA ang suspek.
May nakalabas na arrest warrant laban sa suspek para sa kasong paglabag sa Presidential Decree 1613 (Amending the Law on Arson) na inilabas ng Regional Trial Court 6th Judicial Region, San Carlos City, Negros Occidental.
Nabawi mula sa suspek ang isang Samsung na laptop, Liteon DVD Rewritable Drve, AM/FM radio, flashlight, battery charger, at iba't ibang papeles.
Nasamsam naman sa kasama ni Villanueva na si Wilmar Mullon ang isang patalim na siyam na pulgada ang haba.
Kasalukuyang nasa kustodiy ng mga pulis ang dalawang suspek.
- Latest
