SUV hulog sa bangin: 6 sugatan

MANILA, Philippines - Anim-katao ang nasugatan makaraang mahulog  ang isang SUV sa malalim na bangin sa Camp 5, bayan ng Tuba, Benguet kamakalawa ng hapon. Kabilang sa mga naisugod sa Baguio General Hospital ay sina George Minas, 34; Junia Minas, 29; Kyle Minas, 11;  Kyle  June Taynan, 7; Kurt  Russel Taynan, 9; at si Kitlander Lasaten, 7 pero apat sa mga ito ay inilipat sa St. Louise General Hospital. Sa ulat na nakarating kay P/Chief Inspector Willy William, hepe ng Tuba PNP, lulan ng  Ford Escape SUV na minamaneho ni George  ang mga bikima patungong Baguio City nang mag-overtake ito sa Toyota Vios. Gayon pa man, nang bumalik  ang SUV sa linya nito ay bumangga ito sa barrier kaya mawalan ng kontrol sa manibela ang driver hanggang sa tuluy-tuloy na nahulog sa may 50 metrong lalim na bangin.