Jail officer, itinumba

KIDAPAWAN CITY , Philippines   â€“ Pinabulagta ang isang jail officer ng Bureau of Jail Management and Penology makaraang ratratin ng di-kilalang lalaki sa harap ng Anima’s Carwash sa Quezon Boulevard, Kidapawan City sa North Cotabato  kahapon ng madaling araw. Sa ulat ni Jail Inspector Diosdado Enso, Kidapawan City Warden, kinilala ang biktima na si JO1 Reden Lester Cruz ng Barangay Poblacion sa nasabing lungsod at nakadestino sa Kidapawan City BJMP. Tinangay ng gunman ang puting scooter ng biktima bago tumakas sa di-malamang direksyon. Inatasan ni P/Supt. Leo Ajero, Kidapawan City PNP director ang kanyang mga tauhan na pursigihin ang pagtugis sa gunman na pansamantalang hindi isiniwalat ang pagkakakilanlan.