3 trabahador minasaker sa Batangas
BATANGAS, Philippines - – Tatlo-katao ang brutal na pinatay makaraang ratratin ng dalawang maskaradong lalaki sa bakanteng lote sa Barangay San Teodoro, bayan ng Bauan, Batangas kamakalawa ng hapon.
Kinilala ng pulisya ang tatlo na sina Andres Sta. Rita, 37; Isidro Peras, 39; at si Domingo “Joel†Marasigan, 32, pawang trabahador sa nasabing barangay.
Sa police report na nakarating kay P/Chief InsÂpector Telesforo Domingo, hepe ng Bauan PNP, bandang alas-4:30 ng hapon habang sinusunog ng mga biktima ang mga copper wire sa bakanteng lote na pag-aari ni Hermie Atienza nang biglang dumating ang dalawang maskaradong lalaki.
Dito na umalingawngaw ang sunud-sunod na putok ng baril kung saan duguang bumulagta ang tatlo matapos sumaklolo ang ilang residente.
Wala namang lumutang na testigo laban sa gunmen sa takot na madamay sa krimen.
Narekober sa crime scene ang mga basyo ng bala ng tatlong malalakas na kalibre ng baril habang patuloy ang imbestigasyon.
- Latest
