175 Taiwanese tiklo sa Pampanga credit card scam

MANILA, Philippines - Nasakote ang 175 Taiwanese dahil sa umano'y paggawa ng mga pekeng credit card sa Pampanga.

Limang bahay ang sinugod ng mga tauhan ng National Bureau of Investigation sa isang subdivision sa lungsod ng Angeles kagabi.

Nakumpiska sa operasyon ang iba't ibang cellphone at laptop na pinaniniwalaang ginagamit sa kanilang ilegal na operasyon.

Nagtatawag sa telepono ang mga suspek at mang-aalok ng credit card ngunit nanghihingi muna sila ng bayad na idedeposito sa isang bangko.

Iniimbestigahan na ng mga awtoridad kung paano nakapasok sa bansa ang mga Taiwanese at nakapagpatakbo ng ilegal na gawain.

Nakakulong ngayon sa NBI regional office ang mga suspek na nahaharap sa kasong paglabag sa Republic Act 8484 o ang Access Devices Regulation Act.