Wanted, patay sa shootout

ZAMBALES, Philippines - — Napatay 30-anyos na wanted habang nasakote naman ang kasama nito  matapos manbalan sa pangkat ng pulisya sa naganap na shootout kamakalawa ng umaga sa Purok 3B sa Barangay Calapacuan, bayan ng Subic, Zambales. Sa ulat ni P/ Chief Insp. Oriano Mina, hepe ng Subic PNP, kinilala ang napatay na si Louie Manlolo ng Barangay Baraka-Camachile sa nasabing bayan. Nasakote naman ang isa pang suspek na si Eligio Dela Cruz, 43, habang nakatakas naman ang puntirya ng pulisya na si Jun-Jun Jakaria ng nasabing barangay. Nabatid na isisilbi sana ng pulisya ang warrant of arrest laban kay Jakaria nang magpaputok ng baril ang kanyang mga kasamang wanted kung saan nauwi sa bakbakan ang napatay si Manlolo. Narekober kay Dela Cruz ang  magnum .357 revolver at cal. 9mm pistol na ginamit ni Manlolo. Nakuha rin sa bulsa ni Manlolo ang 24 gramo ng shabu.