2 katiwala itinumba
NORTH COTABATO, Philippines - – Pinaniniwalaang matinding galit ang isa sa motibo kaya pinagbabaril hanggang sa mapatay ang dalawang katiwala sa oil palm plantation habang dalawang iba pa ang malubhang nasugatan sa naganap na panibagong karahasan sa Barangay Malinan sa Kidapawan City, North Cotabato kamakalawa ng gabi.
Kinilala ang mga naÂpatay na katiwala na sina Froilan Arano at Zaldy Barcano habang kritikal naman sina Ralph Librero at Andres Pedregosa, kapwa trabahador sa nasabing planÂtasyon na sinasabing pag-aari ni Andres Pedregosa.
Sa police report, lumilitaw na nasa bahay pahingahan ang mga biktima sa Purok Mangga sa nasabing baÂrangay nang ratratin ng mga di-kilalang lalaki
Sa Salaysay naman ng mga residente, limang taon nang nakatira ang mga biktima sa nasabing lugar at wala silang nakitang naging kalaban o nakagalit ng mga ito.
- Latest
