4 kawatan ng bike, arestado

CAVITE , Philippines   â€“ Kalaboso ang binagsakan ng apat na lalaki na sinasabing notoryus na kawatan ng motorsiklo makaraang masakote ng mga operatiba ng pulisya sa Imus City, Cavite kamakalawa. Pormal na kinasuhan ng pulisya ang mga suspek na sina Jayson Santiguel Cajuyom, Kenneth Angelo Lim Cruz, Ronald Allan Cruz Ong, at si Michael Pascua Occiano na pawang nakatira sa nasabing lungsod. Sa ulat na nakarating kay P/Senior Supt. Joselito Esquivel, narekober sa mga suspek ang ninakaw na motorsiklo na pag-aari ni Camet  Advincula kung saan sinikwat sa Barangay Alapan 2 sa nasabing lungsod. Bineberipika pa ng pulisya kung ang mga suspek ay sangkot sa serye ng nakawan ng mga motorsiklo sa kalapit na bayan.