Mag-lover tiklo sa droga

TUGUEGARAO CITY, Cagayan, Philippines - – Kalaboso ang  magka-live-in na sinasabing notoryus na drug pusher makaraang arestuhin ng mga operatiba ng pulisya sa inilatag na buy-bust operations sa bahagi ng Barangay Cabugao, bayan ng Echague, Isabela kamakalawa. Pormal na kinasuhan ni P/Senior Supt. Sotero Ramos Jr. ang mga suspek na sina Cherry Baccay, 34; at Alvin Padilla, 24, kapwa nakatira sa nasabing barangay. Nabatid na may ilang linggong isinailalaim sa surveillance ng mga tauhan ni P/Chief Insp. Melchor Ariola, hepe ng Echague PNP ang dalawa kung saan nakumpiskahan ng 7-plastic sachets ng shabu matpos ang buy-bust. Sa tala ng pulisya, nauna nang nadakip ang utol ni Padilla na si Albert Padilla na tinaguriang number one sa drugwatch list ng Isabela PNP.