Trader kinatay ng akyat-bahay

CAVITE , Philippines   â€“ Brutal na kamatayan ang sinapit ng 28-anyos na Tsino trader matapos itong pagtulungang palakulin ng dalawang di-kilalang miyembro ng Akyat-Bahay Gang sa Sitio Piela, Barangay Sampaloc 2, Dasmariñas City, Cavite kamakalawa ng gabi. Sa ulat na nakarating kay P/Supt. Carlos Barde, hepe Dasma PNP, nagawang makapasok ng dalawang di-kilalang lalaki sa establisamentong New Concept Enterprises na pag-aari ng biktimang si Moulang Xu. Sinasabing nanlaban ang biktima kaya pinagtulungang patayin ng dalawang akyat-bahay.  Narekober sa crime scene ang dalawang palakol na ginamit ng dalawa na pinaniniwalaang mga dating trabahador ng biktima na sinibak sa trabaho sa hindi nabatid na dahilan.