Boy scout dedo sa camp site

QUEZON , Philippines  - Namatay ang 11-anyos na boy scout matapos itong mabagok ang ulo sa itinatayong camping site sa bayan ng Polilio Central School kamakalawa ng hapon. Sinalubong ni kamatayan habang ginagamot sa ospital ang  biktimang si Mark John Panopio Zafe ng Barangay Pinaglubayan sa nasabing bayan. Napag-alamang inihatid ng mga magulang ang biktima at iba pang mag-aaral sa camping site upang magsagawa ng activities. Dahil sa katuwaan ng biktima ay  tumakbo ito patungo sa mga kasamahang mag-aaral upang tingnan ang ginagawang camping site subalit nadapa ito at tuluyang nawalan ng malay. Patuloy naman ang imbestigasyon sa tunay na dahilan ng pagkamatay ng bata.