Dalagita hinalay ng ex-bf

QUEZON, Philippines - Tulala at halos hindi makausap ang16-anyos na dalagita matapos na kidnapin ay hinalay pa ng dating kasintahan kamakalawa ng gabi sa Barangay Poblacion, bayan ng Tiaong, Quezon. Kasalukuyang nasa pangangalaga ng lokal na sangay ng Department of Social Welfare and Development ang biktimang itinago sa pangalang Nica habang tugis na ng pulisya ang suspek na si Mike Bryan Mendoza, 21, ng Lipa City, Batangas. Sa ulat ng pulisya, lumilitaw na pauwi na ang biktima nang harangin ng suspek na lulan ng motorsiklo kasama ang di-kilalang lalaki. Sapilitang isinakay sa motorsiklo ng dalawang suspek ang biktima at dinala sa motel kung saan isinagawa ang maitim na balak. Pinagbantaan pa ng suspek ang biktima na tumahimik kundi ay reresbakan.