Cafgu nilikida ng NPA

CAMP SIMEON OLA, Legazpi City, Philippines – Isa na namang miyembro ng Cafgu ang pinabulagta matapos pagbabarilin ng mga rebeldeng  New People’s Army (NPA) sa bahagi ng Barangay Curbada, bayan ng San Fernando, Masbate kahapon ng umaga. Napuruhan sa ulo at dibdib ang biktimang si Joseph Loveras, 40, may asawa, nakatalaga sa 22nd Infantry Battalion ng Phil. Army at nakatira sa Barangay Ba­yanihan sa nasabing bayan. Nabatid na papauwi na ang biktima nang harangin at ratratin ng NPA bandang alas-7:20 ng umaga. Napag-alamang lumahok ang biktima sa grupo ng Cafgu upang ipagtanggol ang kanyang pamilya laban sa pagbibigay ng revolutionary tax sa mga rebelde.