1 tigok, 6 sugatan sa road mishap
MANILA, Philippines - Isa ang nasawi habang anim pang katao ang naÂsugatan makaraang pumutok ang gulong ng sinasakyan nilang behikulo at nahulog sa malalim na kanal sa Purok Malipayon, Brgy. Bulanit, Labangan, Zamboanga del Sur kamakalawa.
Patay na nang dumating sa Cabahug Hospital ang biktima na si Abdurajan Abubakar bunsod ng matinding pinsala sa katawan.
Nilalapatan naman ng lunas sa nasabi ring paÂgamutan at sa Pagadian Doctors Hospital ang mga nasugatan na sina Rosita Giminsel, 31; Myejille Saragena, 17; Ridzwan Giminsel, 8; Alsharif Maarain, 13; Whadzna Maarain, 23 at Washa Maarain, 36.
Ayon kay Police Regional Office (PRO) 9 Spokesman Chief Inspector Ariel Huesca, bandang alas-5:45 ng uÂmaga habang binabagtas ng kulay berdeng pribadong behikulong bongo (JCL-290) na minamaneho ni Jon-Jon Ibrahim Sali, 33, ang nasabing lugar nang biglang pumutok ang isang gulong sa kaliwang bahagi sa hulihan hanggang sa mawalan ng kontrol at mabilis na nahulog ito sa isang malalim na kanal saka bumaligtad,
- Latest
