Lola ninakawan, dinedo ng apo
CAMP SIMEON OLA, Legazpi City, Philippines– Brutal na kamatayan ang sinapit ng 74-anyos na lola matapos itong pagnakawan ay pinagpapalo pa hangang sa mapatay ng kanyang apo sa Barangay Tagbak, bayan ng Ragay, Camarines Sur kahapon ng umaga.
Bandang alas-6 ng umaga nang matagpuan sa loob ng kanyang kuwarto ang bangkay ng biktimang si Anastacia Aclan may sugat sa ulo na sinasabing pinalo ng kahoy.
Samantala, nawawala naman ang apo na si Jolisses Cordero na pinaniniwalaang pangunahing suspek sa krimen.
Nabatid na inihabilin ng ka-live-in na si Eufracio Cordero, 79, sa kanyang apo ang biktima dahil magtutungo ito sa Naga City.
Lumilitaw sa imbesÂtigasyon na nagkalat ang mga gamit mula sa aparador ng mag-asawang matanda kung saan nawawala ang P150,000 ng biktima. Maging ang mga gamit ng apong lalaki ay nawawala na pinalalagay na tumakas matapos isagawa ang krimen.
- Latest
