Magkumpareng drug pusher, tiklo

BULACAN , Philippines  â€“ Bagsak-kalaboso ang magkumpareng drug pusher makaraang arestuhin ng pulisya sa inilatag na buy-bust operation sa bahagi ng Barangay Tiaong sa bayan ng Guiguinto, Bulacan kamakalawa ng gabi. Pormal na kinasuhan ang mga suspek na sina Edwin De Guzman, 38, ng Barangay Tiaong; at Marvin Galvez, 35, ng Barangay Sta. Bulakan, Bulacan. Sa police report na nakarating kay  P/Supt. Rodolfo Hernandez, inaresto ang mga suspek sa bahay ni De Guzman sa isinagawang operasyon matapos makatanggap ng impormasyon na ginagawang drug den ang nasabing lugar. Nasamsam sa mga suspek ang ilang gramo ng shabu, drug paraphernalias at marked-money na ginamit sa buy-bust operation.