5 Ozamis Group, timbog

CAVITE, Philippines – Rehas na bakal ang binagsakan ng limang lalaki na sinasabing miyembro ng notoryus na Ozamis Group makaraang arestuhin ng mga operatiba ng pulisya sa isinagawang operasyon sa Barangay Paliparan 3, Dasmariñas City, Cavite kamakalawa ng gabi. Kasalukuyang sumasailalim sa tactical interrogation  ang mga suspek na sina Nestor “Moklo” Buenabente, Rogie “Tong” Soriano, Cesar “Dondo” De Vera,  Alvin “Ben” Cuyag, at si Ricky Cadavero, lider ng grupo at nakatakas sa New Bilibid Prison at pawang nangu­ngupahan sa Blk 77, Lot 6, Phase 4, Mabuhay City Subd. sa nasabing barangay. Sa ulat ni P/Supt Joseph Peñaflor, nasamsam sa mga suspek ang tatlong baril, iba’t ibang uri ng bala at tatlong granada.