Bangka lumubog: Sanggol, 2 bata nalunod
MANILA, Philippines - Tatlo-katao ang iniulat na nasawi habang tatlong iba pa ang nawawala makaraang lumubog ang sinasakyang pampasaherong bangka sa karagatan ng Barangay Buaya sa bayan ng Carles, Iloilo kamakalawa ng hapon.
Kinilala ang mga nasawi na sina Christopher Canete, 1 buwang gulang; Justine Rico, 4; at si Redan Rico, 2. Patuloy na pinaghahanap ang mga biktimang nawawala na sina Paolo Canete, 10; Rachelle Rico, 6 ; at si Auria Villarial, 60, habang naisalba naman ang walong pasehero.
Sa ulat ni P/Chief Supt. Agrimero Cruz Jr. na isiÂnumite sa Camp Crame, nagÂlalayag ang bangka na may lulang 15-katao nang balyahin ng malalakas na alon dulot ng masamang lagay ng panahon.
Kaagad na pinasok ng tubig at lumubog ang bangka sa bahagi ng nasabing karagatan malapit sa dalampasigan ng Barangay Tambaliza sa bayan ng Concepcion.
Nagpapatuloy naman ang search and rescue opeÂrations sa mga nawawala pang biktima.
- Latest
