Magpinsan dedo bike crash

TUGUEGARAO CITY, Philippines – Dahil sa pagkalango sa alak ay nawalan ng balanse sa motorsiklo ang magpinsang lalaki kaya sumalpok sa kongkretong poste ng bakuran sa Barangay Baculud, bayan ng Iguig, Cagayan kamakalawa. Kinilala ni SPO1 Wilfredo Barizo Jr. ang mga nasawi na sina Aquilejo Ebojo, 37; at Charlie Ebojo, 51, kapwa nakatira sa Brgy. Esteban ng nasabing bayan.  Agaw-buhay naman ang isa pang kaangkas  sa motorsiklo na si Elmer Ebojo, 39. Lumalabas sa imbestigasyon ng pulisya na lango sa alak ang mga biktima nang magpasyang dumayo sa kapistahan ng karatig bayan ng Alcala upang ipagpatuloy ang inuman.
 Napag-alamang nakipagkarera ang mga biktima sa kasabay na kaanak hanggang sumalpok ang mga ito sa konkretong poste ng bakod sa tabing kalsada.