Tatay sinermunan ng anak, nagbigti

TUGUEGARAO CITY, Philippines - Kusang nagpasalubong kay kamatayan ang 51-anyos na tatay na sinasabing napagalitan ng kanyang mga anak dahil sa sobra ng paglalasing sa bayan ng Pidigan, Abra kamakalawa.
 Nabatid na lubusang ipinagdamdam ng biktimang si Ernesto Vargas ang binitiwang salita ng kanyang mga anak kaugnay sa hindi maiwasang pag-iinom ng alak at malimit na hindi umuuwi bunga ng sobrang kalasingan.
 Dahil dito, kinuha ng biktima ang lubid na ginagamit sa pagpapastol ng kalabaw bago nagbigti sa loob ng kanyang kuwarto. Tumanggi ang mga kaanak ng biktima na isailalim sa post-mortem examination ang bangkay ng biktima dahil kumbinsido sila na walang naganap na foul play.