2 bulagta sa holdaper

CAVITE, Philippines – Kamatayan ang sumalubong sa  dalawang drayber makaraang holdapin at pagbabarilin ng mga armadong kalalakihang lulan ng dalawang motorsiklo sa kahaban ng Congressional Road sa Barangay Salitran 3, Dasmariñas City, Cavite kahapon ng umaga. Kinilala ang mga napatay na sina Jerson Octavia at Esteban Dealagon, kapwa driver at pahinante habang kritikal naman ang isa pang pahinante na si Marlon Degorio ng Zambonga del Sur. Sa ulat ni PO3 Paulo Figueroa, hinoldap ang mga biktimang lulan ng van na may plakang ZDS 513 pagsapit sa nasabing lugar. Nabatid na pabalik na sa kanilang opisina ang mga biktima matapos mag-deliver ng meat products at mangolekta ng malaking halaga. Cristina Timbang