Mag-amo bulagta sa tandem

LAGUNA, Philippines — Napatay ang 52-anyos na negos­yanteng Bumbay at kasama nitong driver makaraang pagbabarilin ng motorcycle-riding gunmen sa kahabaan ng national highway sa Brgy. Masiit sa bayan ng Calauan, Laguna kamakalawa ng tanghali.

Kinilala ang mga napaslang na sina Palwinder Singh Kur ng Elon-Elon Street, Sta. Fe Subdivision, UP Los Baños, Laguna; at Riz Lazarte, 32, driver, ng Sitio Riverside, Batong Malaki, Los Baños.

Sa ulat na nakarating kay P/Senior Supt. Pascual Munoz Jr., Laguna PNP director, naganap ang pana­nambang dakong alas-12:45 ng tanghali.

Ayon kay PO2 Danny Christopher Camhit, nilagpasan ng mg armadong lalaking lulan din ng motortsiklo ang mga biktimang lulan ng motorsiklong Suzuki (4093-DE) saka pinagbabaril.