4th year hayskul kinatay ng magnanakaw
CAMP SIMEON OLA, Legazpi City, Philippines — Brutal na kamatayan ang sinapit ng 17-anyos na 4th year high school student makaraang pagtulungang pagtatagain ng tatlong magnanakaw ng prutas sa Barangay Nabungsuran sa bayan ng Aroroy, Masbate kamakalawa ng hapon.
Bandang alas-2 ng hapon nang matagpuan ang bangkay ng biktimang si Ralph Errol Cabarles ng Aroroy National High School at nakatira sa nasabing barangay.
Saman tala, sa follow-up operation ng pulisya ay naaresto naman ang mga suspek na sina Levy Madrilejos, 41; Arnel Chavez, 27; at si Joel Handumon, 27, pawang nakatira sa Barangay Kinamaligan, Masbate City.
Sa ulat ng pulisya, lumilitaw na naaktuhan ng biktima ang pagnanakaw ng mga suspek sa tindahan ng prutas hinabol nila saka kinaladkad sa liblib na bahagi ng nasabing lugar.
Matapos paslangin ang biktima ay inabandona ito ng mga suspek kung saan lingid sa kanila ay may nakasaksi sa ginawa nilang krimen.
Natunton naman ang pinagkukutaan ng mga suspek sa tulong na rin ng impormante kung saan hindi na nakapalag sa pangkat ng pulisya.
- Latest
