Kagawad inutas sa inuman

TUGUEGARAO CITY, Philippines - Nawala ang kalasingan ng mga kainuman ng 53-anyos na barangay kagawad matapos itong ratratin ng mga di-kilalang kalalakihan sa kanilang tahanan sa Brgy. Bagnos sa bayan ng Aurora, Isabela kamakalawa ng gabi. Sa police report na nakarating kay P/Senior Frank Mabanag, lumilitaw na nakikipag-inuman ang biktimang si Pedencio Domingo sa mga kaibigan sa loob ng kanyang tahanan nang lapitan at ratratin ng mga di-kilalang lalaki. Humalo ang dugo at utak ng biktima sa pulutan habang tulala naman ang mga kainuman nito nang iniwan sila ang gunmen. Noong Lunes, niratrat din ng mga armadong  lalaki ang katiwala ng abugado sa bayan ng Sta. Maria kung saan ay ulo rin ang  pinuntirya.