6-anyos kinatay ng ina

MANILA, Philippines - Brutal na kamatayan ang sinapit ng 6-anyos na batang lalaki  na halos lumaylay ang leeg matapos itong pagtatagain ng sariling ina na sinasabing nawawala sa katinuan sa bayan ng Badiangan, Iloilo kahapon ng madaling araw. Sa panayam, kinilala ni Iloilo provincial police office (PPO) director P/Senior Supt. Gil Blando Lebin Jr., ang napatay na si Dashiel Jave Collado. Ang suspek na ina nito ay nakilala naman sa pangalang Rubine Collado, 47, may dinaranas na nervous breakdown. Base sa imbestigasyon, naganap ang krimen sa loob ng tahanan ng mag-ina sa Barangay Ilong Bukid habang natutulog ang bata bandang alauna ng madaling araw. Nabatid na narinig pa ng mga kapitbahay ang malakas na palahaw ng bata at laking gulat ng mga ito ng madiskubre ang malagim na krimen.