Bayaw ng mayoralty bet dedo sa tandem

TUGUEGARAO CITY , Philippines - Napatay ang 53-anyos na bayaw ng mayoralty candidate matapos pagbabarilin ng riding-in-tandem assassins sa bayan ng Banna, Ilocos Norte kamakalawa.
 Kinilala ni P/Senior Insp. Jephre Taccad ang biktima na si James Gaspar ng Barangay Caribquib, bayaw ng mayoralty bet na si Barangay Chairman  Alfred Arce.


Nabatid na nagpapahi­nga sa lilim ng kawayan ang biktima sa gilid ng highway nang lapitan at ratratin ng mga di-kilalang lalaki.

Matatandaan na nagsagawa ng search operation ang pulisya sa bahay ng bayaw ng biktima na si Arce nitong mga nakaraang linggo kung saan nasamsam ang mga gamit sa paggawa ng eksplosibo.


Ayon kay Arce, ang mga nakumpiskang gamit sa pampasabog ay pag-aari niya noong nasa serbisyo pa lamang siya sa pulisya.