Mister pinugutan ng kainuman

ILAGAN CITY, Philippines  – Napatay ang 55-anyos na mister matapos itong pugutan ng kainumang lolo sa Barangay San Ignacio sa nasabing lungsod kamakalawa. Kinilala ni P/Supt. Bobby Bucad, hepe ng pulisya, ang biktima na si Flaviano Tamano Jr. ng Barangay Sta. Barbara sa nabanggit na barangay. Samantala, sumuko naman sa pulisya ang suspek na magsasakang si Vicente Mamauag, 68. Ayon sa ulat, nagtalo ang dalawa dahil sa pulutang isda na paninda  ng biktima. Dahil sa kapwa lango sa alak ay pinagtataga ng suspek ang biktima kung saan halos humiwalay na ang ulo sa kanyang leeg. Sumuko naman ang suspek kay Chairman Artemio Baymosa matapos ang krimen.