Drug pusher itinumba

CEBU CITY, Philippines – Niratrat at napatay ang 24-anyos na lalaki ng mga di-kilalang gunmen sa loob ng kanilang tahanan sa Sitio Buli, Brgy. Duljo-Fatima, Cebu City, Cebu kamakalawa. Ayon kay SPO1 Ruth Violango, ihahatid sana ng biktimang si Niño delos Reyes ang kanyang syota na si Jessica Sunga, 23, sa Mandaue City nang pumasok sa bahay at ratratin ng dalawang di-kilalang lalaki. Naganap ang pamamaslang habang ang ina ng biktima ay nasa loob ng kanilang tahanan. Kinumpirma naman ng ina ng biktima na maraming galit sa kanyang anak dahil sa pagiging tulak ng bawal na droga. Napag-alamang nakulong na rin ang biktima sa mga kasong robbery, snatching at illegal possession of firearms. Narekober ng pulisya ang ilang drug paraphernalia na pinaniniwalaang gumagamit ng bawal na droga ang biktima. Freeman News Service