CAVITE, Philippines – Napatay ang 19-anyos na lalaki matapos pagtulungang gulpihin at saksakin sa naganap na frat war ng kalalakihan sa loob ng sementeryo sa Barangay Maliksi 3, Bacoor City, Cavite kahapon ng madaling-araw. Kinilala ang biktima na si Jerry Asis ng Barangay Zapote 1 sa nasabing lungsod. Nadakip naman ang dalawa sa sampung suspek na sina Eddie “Nonoy” Romano at George Paes, 22, conductor ng pampasaherong bus na kapwa nakatira sa Brgy. Maliksi 1 sa nasabing lugar.Tinutugis naman ng pulisya ang iba pang suspek na sina Marlon Espiritu, Darren Javier, Benjamin Escabel, Angelo Escabel, Marlon de Chavez, Robert San Juan, Rommel Candido, at si Junnel Santiago. Ayon kay PO3 Ronald Orozco, nagkasalubong ang magkalabang grupo ng fraternity na sinasabing mga lango sa bawal na droga kaya sumiklab ang kaguluhan.