P.2 M marijuana nasamsam
LA TRINIDAD, Benguet, Philippines – Aabot sa P.2 M halaga ng marijuana ang nasamsam ng mga operatiba ng pulisya sa isinagawang raid sa isang plantasyon sa Sitio Wa-in, Brgy. Bugnay, Tinglayan ng lalawigang ito, ayon sa ulat kahapon.
Sinabi ni Cordillera Provincial Police Director Chief Supt. Benjamin Magalong, nakasamsam ang mga awtoridad ng 1,000 puno ng marijuana na nagkakahalaga ng P200,000 kasama na ang mga binhi at pinatuyong dahon.
Ayon kay Magalong, kamakailan ay sinalakay ng kaniyang mga tauhan ang 2,500 metro kuwadradong plantasyon ng marijuana sa bulubunduking bahagi ng nasabing lugar.
Bago ang raid ay nakatanggap ng impormasyon hinggil sa illegal na plantasyon ng marijuana at ng magpositibo ang ulat ay isinagawa ang operasyon.
Gayunman, wala ni isa sa mga pinaghihinalaang nasa likod ng taniman ng marijuana ang nasakote na pinaniniwalaang nakatakas matapos na matunugan ang operasyon ng mga awtoridad.
Patuloy naman ang pinalakas na crackdown laban sa illegal na droga sa rehiyon ng Cordillera .
- Latest
