2 karnaper arestado

BULACAN, Philippines  – Rehas na bakal ang binagsakan ng dalawa sa tatlong kalalakihan na sinasabing notoryus na karnaper matapos na madakma ng mga operatiba ng pulisya sa magkahiwalay na follow-up operation sa Bulacan kamakalawa.

Pormal na kinasuhan ng pulisya ang mga suspek na sina Edwin Manalastas, 43, ng Brgy. Burol 2^nd; at Moises Santos, 25, ng Brgy. Santol sa bayan ng Balagtas habang tugis naman ng pulisya ang isa pang suspek na si Rolando Reyes ng Brgy. Batia, Bocaue.

Lumilitaw sa imbestigas­yon ng pulisya, tinangay ng mga suspek ang traysikel na pag-aari ni Mark Joaseph Catap sa bisinidad ng Barangay Burol 2^nd. Samantala, kinarnap din ni Reyes ang motorsiklo ni Madrid na nakaparada sa palengke ng Barangay Caining sa bayan ng Bocaue.

Sa inilatag na operasyon ng pangkat ni P/Senior Inspector Ronie Pascua ng Bocaue PNP, nasakote ang dalawang suspek sa Barangay Mulawin sa San Jose Del Monte City, Bulacan.