Baby tinodas ng yaya
CAVITE, Philippines — Maagang sinalubong ni kamatayan ang 7-buwang gulang na sanggol na lalaki matapos isubsob sa kama ng kanyang yaya kamakalawa ng gabi sa Villa Hermosa, Barangay Buhay-na-Tubig sa bayan ng Imus, Cavite.
Sa ulat ni PO3 Alan Reyes,dakong alas-12:50 ng gabi nang madiskubre ng inang si Carmela Francisca Del Monte ang biktimang si Marco Enrigue na nakasubsob sa higaan nito.
Arestado naman ang suspek na si Bernadette Alcantara, 18, tubong Legazpi City, Albay.
Nabatid na noong Sabado ng gabi ay iniwan ng ina ang kanyang anak sa suspek para pumasok sa trabaho.
Subalit kinagabihan ay nadatnan na lamang nito sa bahay na nakasubsob ang kanyang baby sa higaan at hindi na humihinga.
Mabilis niya itong isinugod sa MCI Hospital subalit idineklarang patay.
Sa follow-up operation ay nasakote ang suspek habang nakikipag-usap sa kanyang kaibigan kaugnay sa hinihiram na pera.
- Latest
- Trending
