Binatilyo nagbigti

CAVITE, Philippines  – Hindi nakayanan ng isang 15 anyos na binatilyo ang nadiskubre nitong isa lamang siyang ampon matapos na magbigti sa kusina ng kanilang tahanan sa Brgy. Sampaloc IV, Dasmarinas City kamakalawa ng gabi.

Kinilala ni Supt Ulysses Cruz Sr., hepe ng pulisya sa lungsod na ito ang biktima na si Lynne Mathew Caramanza 15-anyos, residente ng Blk 4, Lot 5, Bahay Pangarap sa naturang barangay.

Sa imbestigasyon ni PO3 Rez Alovera, may hawak ng kaso dakong alas-8:30 ng gabi ng madiskubre ng pinsan ng biktima ang bangkay nito na nagbigti gamit ang nylon cord sa kusina ng kanilang bahay.

Samantalang bago ang insidente , ayon sa mga kasambahay ng biktima ay labis ang hinagpis ng binatilyo ng matuklasan ang masakit na katotohanang isa siyang ampon.