Trike sumalpok sa trak

CAVITE, Philippines  – Napatay ang 21-anyos na babae habang limang iba pa ang nasugatan matapos na sumalpok ang traysikel sa nakaparadang trak sa kahabaan ng highway sa Barangay Langkaan 2, Dasmariñas City, Cavite kahapon ng umaga. Nasawi si Sharra Solis habang naisugod naman sa ospital ang mga sugatang sina Ellaine Superales, 28; Semar Salveji, 23; Rolando Villamor, 49; Marites Liwag, 30; at si Rhona Porcioncula, 24. Ayon kay PO2 Ace Paredes, sinalpok ng trike ( TWB 117) ni Ricardo Bueno ang nakaparadang trak ni Charlito Zabala kaya tumilapon palabas ng traysikel ang mga biktima. Sumuko naman ang driver ng trak magtapos ang insidente.