Magkaibigan dinedo sa trike

BULACAN, Philippines – Kamatayan ang sumalubong sa magkaibigang lalaki makaraang ratratin ng dalawang kala­lakihan sa traysikel sa Barangay Salusoy, Meycauayan City, Bulacan kamakalawa ng gabi. Hindi na umabot pa ng buhay sa Nazarenus Hospital ang mga biktimang sina Isaac Bernabe 23, drayber; at Richard Nicolas, 18, kapwa nakatira sa Barangay Lolomboy sa bayan ng Bocaue. Sa ulat ni PO2 Maxiniño Yabut, lumilitaw na kinontrata ng dalawang di-kilalang lalaki ang traysikel ng magkaibigan para ihatid sa bahagi ng Meycauayan City. Subalit pagsapit sa harapan ng St. Mary’s College sa kahabaan ng Mc Athur Highway ay pinatigil ang traysikel para jumingle ang dalawang pasahero. Dito na pinagbabaril ang magkaibigan bago tumakas ang gunmen.