Negosyanteng tulak, dakma

NUEVA ECIJA, Philippines – Rehas na bakal ang binagsakan ng 43-anyos na negosyante na sinasabing drug pusher makaraang masakote sa inilatag na buy-bust operation ng pulisya sa Barangay San Mariano, San Antonio sa Nueva Ecija noong Martes ng gabi. Iniharap kahapon sa mga mamamahayag ni P/Senior Supt. Walter E. Castillejos, ang suspek na si Berlindo Zapata y Cando ng #166 Castañeda St., Barangay Poblacion sa bayan ng San Antonio, Nueva Ecija. Dakong alas-11:30 ng gabi nang maaresto ang suspek sa buy-bust operation na isinagawa ng 6th Maneuver Platoon, PPSC sa Brgy. Sapang, Jaen, Nueva Ecija sa pangunguna ni P/Supt. Ricardo E. Villanueva. Nakumpiska sa suspek ang 4-plastic sachet ng shabu, cal. 38 revolver at P800 mark money na ginamit sa operasyon.