Trike vs trike: Buntis patay, mag-ama grabe
ZAMBALES, Philippines – Nasawi ang 8-buwang buntis na misis, habang malubha naman ang mag-ama nito matapos magsalpukan ang dalawang traysikel sa harap ng gasolinahan sa Barangay Inhobol sa bayan ng Masinloc, Zambales noong Sabado ng gabi.
Kinilala ng pulisya ang namatay na si Rochelle Cabalic, 28, habang nasa kritikal naman ang mag-amang Efren Cabalic, 29; at Ashley Cabalic, 5, pawang nakatira sa Barangay Sta. Rita.
Lumilitaw na bumabagtas ang traysikel ni Cabalic sa nasabing highway nang mahagip ng traysikel ni Edwin Edano ang gulong ng sidecar ng pamilya Cabalic.
Dito natanggal ang gulong at nagpagulung-gulong sa highway ang traysikel kung saan nadaganan ang mga biktima.
Naisugod sa Candelaria District Hospital ang mga biktima subalit idineklarang patay si Rochelle.
Samantala, sumuko naman sa pulisya ang driver na si Edaño. Randy Datu at Alex Galang
- Latest
- Trending
