Trak vs bus: driver dedo, 6 sugatan

MANILA, Philippines - Napaaga ang kamatayan ng driver ng truck habang anim naman ang nasugatan makaraang magbanggaan ang dalawang sasakyan sa highway ng Barangay Sanghan, Cabadbaran City, Agusan del Norte kamakalawa. Idineklarang patay sa Cabadbaran District Emergency Hospital  ang  biktimang si Alfredo Lo Bulala, driver ng Mitsubishi canter cargo truck habang ginagamot naman sina Janice Amarillo, 31; Emelyn Magtibay, 33; Edmundo Caneda, 50; Richielyn Ando, 7; Rodolfo Corrios, 35 at si Joel Bohol, 31. Ayon sa imbestigasyon, nag-overtake ang cargo truck (YAO 590) ni Bulala sa sinusundang sasakyan subalit hindi napansin ang kasalubong na Bachelor Express Bus (LVH653) ni Manuel Redondo Jr. na humantong sa malagim na sakuna. Boluntaryo namang sumuko sa pulisya ang driver ng bus na si Redondo.